കേള്‍ക്കുക
സ്വന്തമാക്കുക
ഗംഗാതരംഗരമണീയജടാകലാപം
ഗൌരീനിരന്തരവിഭൂഷിതവാമഭാഗം
നാരായണപ്രിയമനംഗമദാപഹാരം
വാരാണസീപുരപതിം ഭജ വിശ്വനാഥമ്
വാചാമഗോചരമനേകഗുണസ്വരൂപം
വാഗീശവിഷ്ണുസുരസേവിതപാദപീഠമ്
വാമേനവിഗ്രഹവരേണകലത്രവന്തം
വാരാണസീപുരപതിം ഭജ വിശ്വനാഥമ്
ഭൂതാധിപം ഭുജഗഭൂഷണഭൂഷിതാംഗം
വ്യാഘ്രാജിനാംബരധരം ജടിലം ത്രിനേത്രമ്
പാശാംകുശാഭയവരപ്രദശൂലപാണിം
വാരാണസീപുരപതിം ഭജ വിശ്വനാഥമ്
ശീതാംശുശോഭിതകിരീടവിരാജമാനം
ഭാലേക്ഷണാനലവിശോഷിതപംചബാണമ്
നാഗാധിപാരചിതഭാസുരകര്ണപൂരം
വാരാണസീപുരപതിം ഭജ വിശ്വനാഥമ്
പംചാനനം ദുരിതമത്തമതങ്ഗജാനാം
നാഗാന്തകം ദനുജപുംഗവപന്നഗാനാമ്
ദാവാനലം മരണശോകജരാടവീനാം
വാരാണസീപുരപതിം ഭജ വിശ്വനാഥമ്
തേജോമയം സഗുണനിര്ഗുണമദ്വിതീയം
ആനന്ദകന്ദമപരാജിതമപ്രമേയമ്
നാഗാത്മകം സകലനിഷ്കലമാത്മരൂപം
വാരാണസീപുരപതിം ഭജ വിശ്വനാഥമ്
രാഗാദിദോഷരഹിതം സ്വജനാനുരാഗം
വൈരാാഗ്യശാന്തിനിലയം ഗിരിജാസഹായമ്
മാധുര്യധൈര്യസുഭഗം ഗരലാഭിരാമം
വാരാണസീപുരപതിം ഭജ വിശ്വനാഥമ്
ആശാം വിഹായ പരിഹൃത്യ പരസ്യ നിന്ദാം
പാപേ രതിം ച സുനിവാര്യ മനഃ സമാധൌ
ആദായ ഹൃത്കമലമധ്യഗതം പരേശം
വാരാണസീപുരപതിം ഭജ വിശ്വനാഥമ്
വാരാണസീപുരപതേഃ സ്തവനം ശിവസ്യ
വ്യാഖ്യാതമഷ്ടകമിദം പഠതേ മനുഷ്യഃ
വിദ്യാം ശ്രിയം വിപുലസൌഖ്യമനന്തകീര്തിം
സമ്പ്രാപ്യ ദേഹവിലയേ ലഭതേ ച മോക്ഷമ്
വിശ്വനാഥാഷ്ടകമിദം യഃ പഠേച്ഛിവസന്നിധൌ
ശിവലോകമവാപ്നോതി ശിവേന സഹ മോദതേ
No comments:
Post a Comment